هل المسيحية ديانة شركية؟؟

بســــــــم الله الرحـــــــــمن الرحــــــــــــيم

نحمده ونستعيه ونستغفره ونتوب إليه , ونعوذ بالله من شرور أنفسنا وسيئات أعمالنا , من يهده الله لا مضل له ومن يضلل فلا هادى له , اللهم صلى وسلم وبارك على سيد ولد آدم ( محمد ابن عبد الله ) وعلى آله وصحبه ومن تبع هداه ,,

حيا الله إخوانى الاحبة والأخوات الكريمات , وأكرم الله الضيوف الكرام ..

انا بكتب المقال ده مش علشان مناقشة سهولة وصعوبة فهم الثالوث , بكتبه فقط لتوضيح حقيقة أن الثالوث عقيدة شرك , بيشترك فيها عدة اشخاص فى الإلوهية , وده بيختلف كل الإختلاف عن عقائد التوحيد , بل هى اشبه بعقائد التعددية اليونانية والهندية والمصرية ..

الموضع فى رأيى بيتركز على سؤال بسيط بوجهه لكل مسيحى :

إنت بتعبد شخص واحد ولا ثلاثة أشخاص؟

لاحظ من فضلك إنى مسألتش " إنت بتعبد إله واحد ولا ثلاثة آلهة؟ " السؤال واضح.

الكنيسة المسيحية بتعلم إن الله هو عبارة عن ثلاثة أقانيم ذو شخصيات مستقلة , بس متحدة فى الطبيعة الجوهرية الإلهية . فمثلاً فى العهد الجديد , الروح القدس حل على يسوع , ويسوع كان بيكلم الآب . الكنيسة بتقول إن ده بيدل على وجود ثلاثة اشخاص مستقلين من ناحية الشخصية , ومتحدين من ناحية الجوهر.

لو كان المسيح هو الله, والآب هو الله, والروح القدس هو الله ,, فالمسيحى بيعبد المسيح وبيعبد الآب وبيعبد الروح القدس .

فلما تيجى المسيحية تقول إن فيه ثلاثة اشخاص بيتكلموا مع بعضهم البعض وبيحبوا بعضهم البعض , يكون المسيحيين هنا سلبوا من مفهوم الله واحدة من أهم مميزات وحدانيته , وخلوه ثلاثة شخصيات مشتركين مع بعضهم البعض فى "جوهر الإلوهية".

المسيحية النهاردة بتقول إنها بتعبد ثلاثة أشخاص . هى دى النقطة إللى بركز عليها . والكنيسة ممكن تحاول انها تبرر موقفها بزعمها إن الثلاثة أشخاص هم " إله واحد " , بس متقدرش تنكر إنها بتعبد ثلاثة أشخاص مستقلين ( لكن غير منفصلين ).

والسؤال : لو ده مكانش هو الشرك بعينه , والتعددية فى العبادة , فإيه هو الشرك ؟ وإيه هى التعددية؟

علشان كدة زى ما قلت فى الأول : لما تيجى تسأل المسيحى عن آلهه , متسالوش إذا كان بيعبد إله واحد ولا ثلاثة آلهة , لإنه متعود على الرد بإنه بيعبد إله واحد , والكلام زى ما بيقولوا إنه ببلاش مش بفلوس . بس السؤال الحقيقى هنا هو : هل تعبد ثلاثة أشخاص أم شخصاً واحداً . وهو لو كان مسيحى على مذهب الكاثوليك او البروتستانت او الارذوثكس وعايز يقول الحقيقة , فهو هيقر إنه بيعبد ثلاثة اقانيم , والأقنوم هو شخص ( ترجمة الأقنوم باللغة الإنجليزية Person يعنى شخص ).

قريت فى مرة مقالة لواحدة هندوسية بتتكلم عن دينها , وفى نهاية الأدلة إللى قدمتها , قالت إن الهندوسية هى ديانة توحيد مش ديانة تعدد آلهة , فالآلاف المؤلفة من الشخوص إللى بيعبدوها الهندوسيين , هى كلها ذات طبيعة إلهية وجوهر واحد منبثق من الإله المدعو ( براهاما ) على ما أتذكر.

ضحكت كتير لما قريت المقالة دى , لأن ده نفس الى بيقولوه المسيحيين , هم بيعبدوا ثلاثة أشخاص بس بيتحججو وبيقولوا إنهم مشتركين بجوهر إلهى واحد , وبيستخدموا نفس الحجة إللى بيستخدمها الهندوس .

وفرق كبير جداً بين الناس دى , وبين التوحيد المجرد القائم على إن الله واحد بجوهره وبشخصه .

المسيحى بيعبد ثلاثة أشخاص , ( الآب ويسوع والروح القدس ) , وهو بيزعم بإن الثلاثة اشخاص دول مشتركين فى جوهر الإلوهية . ده أنا بسميه وكل عاقل بيسميه إشراك فى الإلوهية .. يعنى المسيحية ديانة شرك .

بتفكيرى الشخصى , المسيحيين بيتستروا تحت غطاء " إله واحد " وهتلاقو إن العبارة دى مافيش معنى لكلماتها لو تقربتم أكثر لعقائدهم الحقيقة , إللى بتقر بصراحة إنهم بيعبدوا ثلاثة أقانيم , يعنى ثلاثة اشخاص متميزين ومستقلين فى شخصياتهم , طبعاً تحت غطاء إتحادهم فى " الجوهر الإلهى ".

بس انا بصراحة مش عارف , ليه المسيحيين بيترددوا فى الاجابة الصريحة والواضحة بنعم أو بلا لما نيجى نسألهم هل تعبدون شخصاً واحداً ام ثلاثة اشخاص؟

الحمد لله على نعمة التوحيد

وآخر دعوانا أن الحمد لله رب العالمين