المجامع

بســــــــــــم الله الرحمـــــــــــــن الرحـــــــــــــيم

نحمده ونستعينه ونستغفره ونتوب إليه , ونعوذ بالله من شرور أنفسنا وسيئات أعمالنا , من يهده الله فلا مضل له ومن يضلل فلا هادى له , والصلاة والسلام على سيد الاولين والاخرين اشرف الخلق والمرسلين محمد بن عبد الله وعلى آله وصحبه ومن تبعه بإحسان إلى يوم الدين ,, وبعد

حيا الله إخوانى وأخواتى الكرام , ومرحبا بكل ضيف مسيحى يريد أن يعرف من اين أتت عقيدته التى ما انزل الله بها من سلطان ..

كلمة قالها القديس سان أوغسطين ( 345 - 430 م) بيقول .. ( أنا مؤمن لإن ذلك لا يتفق مع العقل ) .. وانا بستغرب , طيب لو عكسنا إللى قاله , هل معنى كدة إنه هيشك فى صحة معتقداته لو كانت متفقة مع العقل؟! وإيه الفرق بين المجنون وبين إللى بيضرب بعقله عرض الحيطة؟!

ولو بيتكلم عن الإيمان بالغيب .. فالإيمان بالغيب , ممكن يكون إيمان بحق أو إيمان بباطل , والإيمان بالحق بتؤيده اللأدلة والشواهد بتسنده , والبراهين بتدعمه , زى الإيمان بالله , ورسوله , وإللى قالوه من أوامر الله سبحانه وتعالى ونواهيه , ووعده ووعيده .. أما فى حالة الإيمان بالباطل , هو إللى بتعارضه الأدلة, والشواهد وتهدمه البراهين .. يعنى الإيمان بالباطل هو بس إللى ضد استنتاجات العقل . يعنى فى حالة الإيمان بالحق , لازم العقل يتفق مع الإيمان .. مش كدة ولا ايه؟

المراجع التاريخية بتقول إن اكتر من 100 انجيل الكنيسة رفضتهم وحرقتهم .. مش ممكن طبعا كل إللى كان فى الاناجيل دى غلط ,, يعنى كان ممكن يكون فيها روايات أو أقوال صح وحاجات تانية غلط ,, فهل انتو تعرفو ليه حرقتهم الكنيسة مع وجود الإفتراض ده؟ ... علماً بإن الأناجيل إللى اترفضت واتحرقت دى كانت مكتوبة قبل الناس إللى رفضوها فى المجمع بزمان , يعنى قبل ما يتولدوا حتى .

ورجال الكنيسة بيعترفوا إن فيه أكتر من خمسين ألف خطأ , وده نشرته مجلة " اليقظة" ( AWAKE ) من حوالى نص قرن .. وبالظبط فى العدد 17 من المجلد 38 ..

ولو رجعت للتاريخ حتلاقوا برضه إنه دايماً كان فيه ناس بتقول كلام أو رأى , وناس بتقول كلام تانى وفتن كبيرة .. وعلشان كدة عملوا مجامع كتيرة , وأكبر دليل على الإختلافات الداخلية إللى كانت فى الكنيسة هو موضوع أريوس وأتباعه مثلاً ..

والحقيقة فى سؤال .. إيه كان مرجع أريوس فى الأناجيل؟ هلى هى الأناجيل اللى موجودة بين إيدينا دلوقتى؟ ولا واحد من الأناجيل إللى كنيسة رفضت الاعتراف بيها وحرقتها؟ وعلشان كدة إعتبروا رأيه بدعة , مع إنه كان عنده أنصار كتيرة لدرجة إنها بقت فتنة .. وعلشان موجود إختلاف كبير على شخصية المسيح .. هل هو إله ولا لأ !!! فكان هو ده السبب الرئيسى فى إنعقاد مجمع نيقية الأول عام 325 م ..,

مجمع نيقية الأول عام 325 م ,

إللى عايز يعرف , يقرأ( كتاب تاريخ الأمة القبطية ), وكتاب إبن البطريق فى كتابه ( نظم الجوهر ) إللى ألفه وحكى فيه تاريخ المجامع .. وهو مسيحى طبعا مش مسلم متخافوش .. وكتاب ( الروح القدس فى محكمة التاريخ ) للمؤلف روبرت كيل تسلر ,, إللى بيشرحوا موضوع مجمع نيقية ده ..وهتعرفوا معلومات أكتر بكتير ,, منها مثلاً دور الإمبراطور قسطنطين فى نيقية ,, لإن دوره كان بيعلق اهمية كبيرة على تحقيق السلام وتكوين كنيسة واحدة بقدر الإماكن فى إمبراطورية واحدة , فعلشان كدة كان بينقى الأساقفة المنوط بهم الإشتراك فى المجمع .. لأن طوال سنوات كتيرة كان فيه مقاومة على أساس الكتاب المقدس للفكرة إللى بتقول إن يسوع هو الله , وفى محاولة لحل الجدال , قسطنطين الإمبراطور الرومانى دعى كل الأساقفة لنيقية .. وعلى فكرة قسطنطين مكانش مسيحى , فى اواخر حياته ابتدى يفكر فى المسيحية , بس ماتعمدش إلا وهو على فراش الموت .. وهنرى تشادويك بيقول عنه فى كتاب ( الكنيسة الباكرة ) : " كان قسطنطين , كابيه يعبد الشمس التى لا تقهر واهتداؤه لا يجب أن يفسر إنه اختبار داخلى للنعمة لقد كان قضية عسكرية , وفهمه للعقيدة المسيحية لم يكن قط واضحا جدا , ولكنه كان على يقين من ان الانتصار فى المعركة يكمن فى هبة إله المسيحيين ."

ودائرة المعارف البريطانية بتقول : ( قسطنطين نفسه اشرف , موجها المناقشات بفاعلية واقترح شخصيا الصيغة النهائية التى اظهرت علاقة المسيح بالله فى الدستور اللى اصدره المجمع ....... واذا كانو يرتاعون من الامبراطور فان الاساقفة باستثناء اثنين فقط وقعوا الدستور وكثير منهم ضد رغبتهم .)

ومن المراجع إللى استخدمها روبرت كيل كتسلر هى ...... شافرتز فى كتابه :" ما قبل التاريخ - ص 238 ):
ومن الثابت أن قسطنطين قد أدار المؤتمر بصورة واقعية ( كوخ - ص 37 ) فقد كان يشعر بل ويتصرف " كرئيس للمجمع " فكان يأمر الأساقفة بما يجب عمله وما يجب تركه ( أوستروجرسكى ص 39 وكوخ ص 37 وما بعدها ) , وقد أعلن فى مناسبة أخرى مؤكداً : " إنى أرغب فى قانون كنسى " ( كوخ - ص 38 ) وقد قبلت الكنيسة كل هذا صاغرة , لذلك اصبح القيصر أسقفها العام ( الدولى ) المعترف به ( كوخ - ص 37 ). ولم يكن غير قسطنطين الذى أدخل ما تعارف عليه بصيغة " هومسيوس " الشهيرة فى قرارات مجمع نيقية وفرضها على الساقفة المعارضين بإستعمال سطوته ( شفارتز : " أثانسيوس " ص 210 - وليتسمان ص 274 ) . وبالمناسبة فهو لم يكن له تأثير فعال ومباشر فقط على تكوين العقيدة بل كان أيضاً يصوت معهم ( دوريس ص 135 ).

يقول شيفارتز : " أخطر ما قام به قسطنطين هو إخضاع كنيسة الدولة لتعليمات نيقية " ( أثناسيوس - ص 263 )
وزى ما بقت الكنيسة واحدة من مؤسسات الدولة , بقت برضه قرارات المجامع وعلى الاخص البنود إللى بتخص العقيدة وإللى رفعها قسطنطين لمرتبة القوانين إللى بتصدرها الدولة , وبكدة بقى ليها نفس الصورة الإلزامية للمفهوم القانونى العام ( فبقت بعد كدة ملزمة لكل الرعية , أما نظراً لتسامح قسطنطين فقد اقتصرت على شعب الكنيسة فقط !!.)

وبرضه اتحولت قرارات المجامع الاربعة المسكونية التانية بنفس الطريقة لقوانين عامة ( إرجع لشفارتز : " ما قبل التاريخ " ص 238 ).

وكان فيه اراء مخالفة لبعضها تماماً عن ماهية المسيح خلال المجمع , ودى أشهر الفرق إللى مثلت فى المجمع ده :

- زى مثلاً إللى كان بيقول إن المسيح وأمه إلهين من دون الله , ودول اسمهم البربرانيه أو المريميين.

- وإللى كان بيقول المسيح من الاب زى شعلة نار انفصلت من شعلة نار ودول أتباع سابليوس .

- وإللى بيقول إن ستنا مريم محبلتش تسع شهور , بس مر فى بطنها زى ما بتمر المية فى الميزاب , لان الكلمة دخلت أذنها وخرجت من حيث يخرج الولد من ساعتها .. ودة مقالة أليان وأتباعه .

- وإللى بيقول إن الله جوهر واحد قديم , وأقنوم واحد وبيسموه بتلات اسماء ومبيؤمنوش بالكلمة ولا الروح القدس وده كلام بولس الشمشاطى بطريك أنطاكية وأتباعه اسمهم البوليقانيون .. يعنى دول كمان كانو موحدين.

- ومنهم إللى كان بيقول إنهم تلات آلهة لم تزل , صالح , وطالح , وعدل بينهم , وده كلام مرقيون اللعين وزعموا كمان أن مرقيون ده كان رئيس الحواريين وأنكروا بطرس .

- ومنهم إللى كان بيقول بألوهية المسيح ودى مقالة بولس الرسول .

- ومنهم إللى كان بيقول إن المسيح إنسان , إتخلق من اللاهوت كواحد منا فى جوهره وإنه ابتدى من مريم .

- والطائفة الاخيرة إللى قالت ان المسيح إله من إله ونور من نور وبيؤمنوا بنفس المعتقدات بالروح القدس والآب بدون تغيير , ودول كانوا 318 أسقف.

- ومنهم أريوس وأتباعه إللى أنكروا ألوهية المسيح وإن المسيح بشر مخلوق .. وأتباع أريوس كانو هما الغلبة .. فى المجمع ده .

وفى برضه الكثير من الطوائف وعلماء اللاهوت إللى أنكروا ألوهية المسيح على مدار الزمان ...

وفى المجمع ده كانت الأناجيل ( متى ولوقا ومرقص ويوحنا ) هى إللى أقرتها الكنيسة .

والأناجيل إللى اترفضت , فيه مراجع بتقول أكتر من 50 إنجيل , ومراجع تانية بتقول أكتر من 100 إنجيل .. ورفضوا إنجيل برنابا .. إللى كان واحد من تلاميذ المسيح زى ما هو واضح فى الأنجيل .. وقالوا إنه نسب الانجيل ليه غير حقيقى , لإنه كان بيتفق إتفاق كبير مع إللى قاله أريوس .. إللى المراجع الكنسية بتقول إن أتباعه فى مجمع نيقية كانو اكتر من 700 أسقف حاضرين , والمؤرخين بيقولوا إن أتباع اريوس برة المجمع كانو اكتر من 700000 سبعمية الف اسقف , وإن إللى قالو إن المسيح هو إبن الله وألهوه كانو 318 قسيس بس من اصل 2048 أسقف كانو حاضرين المجمع .. بس إمبراطور الرومان قسطنطين فى الوقت ده كان بيوافقهم الرأى إن المسيح إله , وهو إللى له القوة !! وعلشان كدة أخلى قسطنطين دار المناظرة .. وعمل مجلس خاص لللأساقفة ال 318 .. وقرر المجمع الجديد قرارات منها تأليه المسيح .. وإنه من جوهر الله , وإنه قديم بقدمه , وإنه لا يعتريه تغيير ولا تحول .. هى دى العقيدة إللى يعرفها المسيحيين من الوقت ده ولغاية النهاردة ..!!

طيب قولولى بقى , فى الوقت ده لو كانت الديمقراطية موجودة وكان الموضوع بالأصوات .. كان أريوس هو إللى يغلب ولا لأ..؟!

والمجامع الكتيرة إللى اتعملت بعد بعد مجمع نيقية إللى قرروا فيه ألوهية المسيح هى :

- المجمع التانى إللى اتعمل كان المجمع القسطنطينى الأول سنة 381 م .. وده قرروا فيه ألوهية الروح القدس .

- والمجمع التالت كان إسمه مجمع أفسس سنة 341 م , وده قرروا فيه إن المسيح إجتمع فيه الإنسان والإله , لا الانسان فقط , وإن مريم ولدت الاتنين !!

- ورابع مجمع إللى هو مجمع خليدكونية سنة 451 م , إللى قرروا فيه إن المسيح ذو طبيعتين منفصلتين , مش طبيعة واحدة متحدة .

وده معناه إن معظم العقائد المسيحية إللى معروفة النهاردة كان عليها إختلاف شديد فى الماضى . بس يا ترى ده سببه إيه ؟!!

والسؤال هو .. ايه إللى مكانش واضح فى الدين علشان تحصل اختلافات كثيرة جداً , ويعملوا لكل حاجة فيها اختلاف مجمع علشان يرسوا على حل ؟ .. ولغاية 540 سنة بعد رفع المسيح؟

يعنى الأناجيل بالإختيااااااااااااار والعقيدة بقراراااااااااااااات المجامع !!!!!!!!

ومين إللى إدى المجامع حق ترشيح سيدنا عيسى والروح القدس للألوهية؟ .. وحق إصدار القرارت بعصمة البابا؟؟ .. وبمنح الكنيسة حق الغفران والحرمان , إللى كانت بتطبقه الكنيسة لغاية وقت مش بعيد , وعلى ما أعتقد إنه انتهى دلوقتى ؟؟؟

أما بالنسبة للأناجيل المعتمدة عند الطوائف المسيحية .. مش صحيح إن مافيش إختلاف .. لأ , فيه طبعا ً .. نسخة الملك جيمس , إللى هى النسخة الكاثلوكية مثلاً فيها 7 اصحاحات زيادة عن النسخة المعتمدة فى الكنيسة البروتستانتية .. وحتى جوة نفس الإصحاحات الأصلية المتفق عليها بين الأنجيلين , هنلاقى عبارات كتيرة موجودة فى دة مش موجودة فى دة .. مثال صغير بس .. سفر طبيا وسفر يهوديت والمكابين الاول والتانى وسفر الحكمة وغيرهم .. دول أمثلة بس .. مش موجودين فى النسخة البروتستانتية .. دول بيقولوا انها وحى من الروح القدس .. ودول بيقولوا لأ مش وحى .. مين فيهم صح !!!!!

وأزيدكم من الشعر بيت

ب - مجمع القسطنطينية الأول سنة 381 م : وفيه تم إعلان المسيحية ديناً رسمياً للدولة , ونادى بتشكيله تيودوسيوس الأول ( الأكبر ) ( شتاين ص 305 ).

على إى حال , لازم نطلق على المجمع ده اسم " المجمع الهيكلى " أكثر من مجمع نيقية , محدش من الغرب مطلقاً إشترك فيه وبلإضافة لكدة , فقد تم دعوة عدد قليل نسبياً من الأساقفة ( شتاين 305 ) وشفارتز بيحكى عنه وبيقول : " إن تيودوسيوس فرض إرادته فى هذا المؤتمر دون مبالاة ( المجامع ص 17 ).

جـ - مجمع إفسس عام ( 431م ):- فى المجمع ده إتحكم على نسطور بلإرتداد - تم عقد المجمع ده تحت لواء الحكومة وإللى افتتحه تيودوسيوس وقالنتيان ( وثائق : هوفمان صفحات 3 , 7 ) . وإللى أدار المناقشات فيه كبار رجال الدولة , والظاهر إن القيصر الرومانى الشرقى أوجوستا بولشيريا - وإللى هيجيى الكلام عنه بعد كدة - ماشتركوش فى المحادثات إلا مرة واحدة ( إرجع برضه لشفارتز : " بولشيريا ص 211 ) إلا إنهما بالرغم من كدة لعبوا دورهم كامل , على النقيض من المجامع السكونية الأربعة التانية , حيث تكونت فى المجمع ده تحزبات بقيادة الأساقفة بسبب الظروف الخاصة إللى كانت بتمر بيها الدولة , وكان هو ده الوضع القائم إلى حد كبير.

وأخيراً إتمكنت الكومة المرة دى من فرض قراراتها , وإللى مافهوش شك إن بولوشيريا كان ليه فى المقام الأول الكلمة الحاسمة فى مفاهيم مسائل العقيدة إللى اتطرحت للمناقشة فى المجمع ده , سواء كانت بصورة مباشرة أو من خلال أصحاب الحظوة لديه.

والنساطرة انشقوا إثر انعقاد المجمع الأفسسى قبل عشرين سنة من المجمع الخلدقيونى , يعنى سنة 431 م , وده الى كان قد حكم بوجود : " إتحاد جوهرى بين الطبيعتين فى المسيح وإن الإله و الإنسان فى المسيح هما واحد وبإن مريم والدة الإله " . فالبطريك الكبير نسطوريوس ( بطريك القسطنطينية ) رفض العقيدة دى , لأنه كان بيؤكد على التمايز بين أقنوم ( شخصية ) الإله وأقنوم ( شخصية ) الإنسان فى السيد المسيح وقال فيما معناه أنهما أقنومان اتحدا فى المسيح , حيث أكد أن مريم لم تلد الله , ولا يجوز أن الله يتولد , بل ولدت يسوع الإنسان , وبرضه لم يكن الله هو إللى اتصلب ( فى اعتقاده ) وتألم ومات , إذ كيف يتألم الله ويموت؟! بل كان هو يسوع الإنسان وبالتالى نسطوريوس ميز فى الحقيقة بين أقنومين ( شخصيتين ) فى السيد المسيح مش بس ما بين طبيعتين , وعلشان كدة مذهبه على الطرف النقيض تماماً من مذهب القباط و اليعاقبة , وعلشان كدة كل من المذهبين دول بيكفر التانى ويلعنه يتبرأ منه , وكان مع نسطوريوس فى عقيدته دى كثير من مسيحييى الشرق إللى اتعرفوا بالنساطرة او بطائفة الآشوريين أو الكلدان.

د - مجمع خلقدنيا ( 451م) : المجمع ده دعا لعقده رسمياً القيصر مارتيانوس , ومن الواضح إن ورا الشغل ده زوجة بلوشيريا , وكانت الادارة القوية هنا برضه بيسيطر عليها كبار موظفى الدولة ( شتاين ص 467) إللى قاموا بإدارة النظام بإحكام , زى ما بيقول شفارتز ( المجامع ص 17).

وتمكنوا من قرض قوعد العقيدة المسيحية ضد رغبة الأساقفة الضغيفة بكل تعسف ( راجع شفارتز ص 170) , وشتاين بيضيف إنه " " تحت ضغط الحكومة " تم التوصل الى حل وسط ( ص 468) ولازم كلمة " الحكومة " دى تتفهم غن معناها فى المقام الأول بولشيريا , لأن مارفيانوس ساب المسائل تماماً لزوجته ( شفارتز : " بولشيريا " ص 206 ) وشفارتز اثبت إن بولشيريا كانت بتحكم قبضتها على لجام المجمع ده , ده كمان استنتج انها نادت بالعمل ضد رغبة الكنائس المختلفة بل ونفذتها ( شفارتز صفحات 206 و 211 ) والمجمع ده ماتقررش فيه إن المسيح ذو طبيعتين منفصلتين , بل طبيعة واحدة متحدة.

والمفيد ذكره هنا إن إقرار العقيدة دى _ أعنى عقيدة المسيح الأقنوم ( الشخص ) الواحد فى طبيعتين ناسوتية ولاهوتية إللى تم زى ما قلنا فى مجمع خلديقونية عام 451م , كان على اثر جدل واسع بين آباء وأساقفة النصارى على النقطة دى , وكان قرار المجمع ده هو السبب فى إنشقاق الكنائس الشرقية عن كنيسة روما , أعنى الكنيسة القبطية إللى رفضت قراره وقالت بالمسيح الشخص الواحد ذو الطبيعة الواحدة فقط ( الناشئة فى الاصل من طبيعتين ) وإللى اتفق مع الاقباط فى كدة هم اليعاقبة فى الجزيرة وبلاد الشام ( إللى معروفين بالسريان الارذوثكس ) وطائفة من الأرمن هم أتباع الكنيسة الغريغورية الأرمنية .

هـ - مجمع القسطنطينية الثانى ( 553) م : وبيعد المجمع الخامس من نوعه , وتم عقده تحت لواء القيصر جوستنيان الأول ( الأكبر), والمجمع ده مكانش إلا للهتاف , لو حبينا نطلق عليه الإسم ده , وفيه أصدر القيصر جوستينيان ( إللى كان أهم رجال اللاهوت وقتها , وكان اكثر حاكم غشيم على الإطلاق) العقائد والتعليمات إللى بتخص المؤتمر قبل إنعقاده بزمن فى صورة مراسيم وقوانين . والمجمع ده ماتعقدش إلا لأخذ موافقة الكنيسة بس .

راجع فى ذلك على سبيل المثال : الفيزاتوس باسيم , حيث ذكر القوانين القوانين العقائدية المختلفة للقيصر ده , وإللى أمر فيها جوستيناين , زى ما بيؤكد ألفيزاتوس , بإللى لازم يتأمن بيه من وجهة نظر العقائد الامبراطورية ( ص 28) وكان عماد المجمع ده هو مرسوم لجوستينيان تم التصديق عليه وسرى كقانون على الرغم من تردد بعض الساقفة الغربيين ( الفيزاتوس ص 28 وما بعدها ).
وهارناك بيقول فى المجمع ده : " ولتدشين مراسم ( القيصر ) هذه تم عقد المجمه السكونى الخامس ... فى مايو عام 533 فى القسطنطينية ... وعقد المجمع فقط لإعطاء المراسيم القيصرية الشرف ( المجد أو المباركة ) الكنسى " ( منقولة من ألفيزاتوس ص 29 )

ومعروف إن المجامع الأولى حرمت قراءة الكتب إللى بتخالف الكتب الأربعة والرسائل إللى إعتمدتها الكنيسة , فأتباعها بقوا يحرقوا الكتب دى ويتلفوها , فاحنا مبنثقش باختيار المجامع البشرية للى إختارته فنعمله حجة ونعد ما عداه كالعدم .

ومعروف برضه إن المؤرخين بيختلفوا فى عدد المجامع المسكونية فبضعهم بيقول انها 7 وبعضهم بيقول انهم 19 مجمع .

وزى المؤرخين ما بيختلفوا فى عددها , برضه الكنايس اختلفت فى الاعتراف بيها .

فالكنيسة القبطية مثلاً مبتعترفش إلا بالأربعة الأولانيين منهم .

وكنيسة روما ومعاها الكنيسة اليونانية مبيعترفوش بالمجمع المسكونى الرابع ( أفسس الثانى ).

وفى مجمع ( ترنت ) إللى عقد فى القرن 15 وإللى صادق على قرارات مجمع ( قرطاج Carthage ) سنة 397م حول الأسفار السبعة وحكم بقانوينيتها , بنلاقى إن الكنيسة البروتستانتية جت بعد كدة فى اوائل القرن ال 16 ورفضت قرارات المجمعين دول بمجمع تانى !.

إلى متى يا نصارى تصدقون كلام البشر واهوائهم , اليس منكم من عاقل اليس منكم من رشيد , اليس منكم من يفكر ولو لحظة واحدة ويقول كيف أخذ عقيدتى من اهواء اباطرة واساقفة ومجامع , وكيف اسند ايمانى على عقيدة واربعة اناجيل مجهولين وليس لهم سند يثبت انهم صحاح؟

الى متى ؟ حتى يأتيك الموت وانت تلهو وتلعب , صديقى المسيحى قد رأيت بعينك كيف أتت عقيدتك وانت لك الاختيار وما انا غير بناصح ومشفق

انك لا تهدى من احببت ولكن الله يهدى من يشاء

وآخر دعوانا أن الحمد لله رب العالمين